Historia ESGP FILIAL KAY RALA LACLUBAR

ISTÓRIA ESKOLA SECUNDARIA GERAL FILIAL KAY RALA LACLUBAR

Iha loron, 28 fulan Dezembru tinan 2022, autoridade komunitáriu, autoridade lokál, veteranu Postu Administrativu Laclubar hala’o sorumutu ida iha salaun Eskola Dom Basílio Nascimento Laclubar kona-ba programa prioridade sira iha postu Administrativu Laclubar, iha sorumutu ida-ne’e Asembleia postu sira tau prioriedade liu atu loke tan Eskola Sekundária Públiku ida iha Postu Laclubar hodi hatan ba preokupasaun komunidade nian tanba populasaun postu Laclubar barak liu, no tinan-tinan estudante ne’ebé maka remata EBC nia persentajen boot tebes, nune’e mak estudante finalista sira ne’ebé remata kada tinan la asesu iha eskola Dombala tanba eskola refere simu estudante ho númeru ne’ebé limitadu. Ho razaun ne’ebé temi iha leten mak autoridade komunitáriu, autoridade lokál no veteranu sira iha postu administrativu Laclubar hato’o komprimisu katak, bainhira ME legaliza no akredita ESG Kay Rala Paralelo Laclubar, kompromete prontu kontribui hodi fasilita no suporta eskola refere.

Iha loron 05 fulan Janeiru tinan 2023, hala’o sorumutu ida iha EBF. Fatulaun hodi koalia kona-ba atu loke eskola ESG Kay Rala Paralelo Laclubar  ho autoridade postu Sr. Francisco M. Soares, autoridade suku neen (6), autoridade aldeia postu Laclubar, veteranus postu Laclubar, intelektuais postu Laclubar, Diretór Edukasaun munisípiu Manatuto Mestre Graciano de Jesus Baptista, Diretór ESG Kay Rala Manatuto Sr. Nelson F. C. R. Pereira, Diretór EBC Centrál Laclubar Sr. Domingos Soares, Deputadu Sr. Luis Oliveira, Adjuntu Diretór EBC Tidin-Botir Sr. Cancio de Oliveira, Koordenadór EBF. Aisiu-un Sr. Adão da Costa, Koordenadór EBF. Manelima Sr. Anibal da Silva, Koordenadór EBF. Diric-Um Sr. Raul Sarmento Doutel, Koordenadór EBF. Fatulaun Sr. António Soares, reprezentante koordenadór EBF. Batara Profesór Flaviano Gonzaga, reprezentante koordenadór EBF. Orlalan Profesór Domingos Soares Ortega, feto potensiál postu Laclubar Sra. Alcina Sarmento, profesór no komunidade sira.

Liuhusi desizaun enkontru iha loron 05 fulan Janeiru tinan 2023, deside katak, eskola ESG Kay Rala Manatuto Paralelo Laclubar sei loke iha suku Orlalan aldeia Fatulaun Eskola Bázika Filial Fatulaun. Iha momentu ne’ebá forma kedas estrutura eskola ba eskola refere, iha momentu ne’e kedas diretór edukasaun munisipiu Mantuto delega Profesór António Manuel nu’udar koordenadór eskola nian no profesór dixiplina sira  mak hanesan: António Manuel hanorin dixiplina Indonesia, António Soares hanorin dixiplina Desporto, Carlito Cezario hanorin dixiplina História, José de Jesus hanorin dixiplina Matemática, Francisco de Almeida hanorin dixiplina Geologia no Economia, Junino José Manuel hanorin dixiplina Química , Evaristo Soares hanorin dixiplina Tetun, Silvania Estela Sarmento hanorin dixiplina Temas de Literatura e Cultura, José Maria hanorin dixiplina Ingles, Peregrino da Costa hanorin dixiplina Física, Sergio de Jesus hanorin dixiplina Sociologia, Abilio Bonifacio Pedro hanorin dixiplina Biologia, Apolinario Soares hanorin dixiplina Geografia, Paulino Soares hanorin dixiplina Portugues, José Soares Borges hanorin dixiplina Tecnologia Multimedia, Marta Cardoso hanorin dixiplina Relijiaun, Angela Sarmento hanorin dixiplina Ingles.

Iha loron 06-07 fulan Janeiru tinan 2023, hahú halo rejistrasaun ba estudante foun sira ho totál estudante limanulu resin-neen (56) kompostu husi mane tolunulu (30) no feto ruanulu resin-lima (26). Estudante refere fahe ba programa rua (2) no turma rua (2):  Ciência e Tecnologia turma ida (1) hamutuk estudante runulu resin-neen (26) estudante sira-ne’e mak hanesan: Aida da Costa, Abrão Soares, Aderina X.C. Soares, Bendito Fàtima Pinto, Benjamin de J. Ferreira, Berta A. De J. Soares, Bonifacio Alves Soares, Cesar Soares de Almeida, Clariana Dias de Almeida, Filipio de Almeida, Isadora Soares dos Reis Hornai, Joanita M. Amaral, Julito Soares, Lifania da G. Conceiçao, ligia P. Gonzaga, Lindelfia E. Soares, Lucas A. de Oliveira, Luisa R. de F. Soares, Marcelino da Costa Sarmento, Mateus Soares da Costa, Matos D. Da Costa, Roberto P. da Costa, Romana de Jesus, Sonia Lonia Despelina Soares no Victor Nunes.  no Ciêcia Sociais e Humanidade turma ida (1) hamutuk estudante ruanulu resin-ualu (28). estudante sira-ne’e mak hanesan: Alfarida Soares, Alfeus da Silva Soares, Ana Paula de Jesus, Aniceto R. Guterres, Aurelia Marques, Bartolomeu da C. Mendes, Basilio P. Soares, Bebiana B. Da S. Soares, Epifania Soares, Esperança Soares Alves, Flaviano de Almeida, Francisca Soares, Gabriel Soares, Graciela Soares, Iron da Silva, Jaimito Gusmão, José S. Monteiro, Lourenço Soares, Marcelino de J. Oliveira, Nuno Alves da Silva, Nuno Bento, Onisimos R. Guterres, Roque Loni Despelino, Saltorio Luis Dias, Senivio de C. Soares, Silvano da Silva, Zelia Soares no Zelino S. de Oliveira.

Iha loron 17 fulan Janeiru tinan 2023, eskola ESG Kay Rala Paralelo Laclubar hahú prosesu ensinu aprendizajen ba estudante hirak ne’ebé rejistu iha eskola refere tuir kalendáriu ME nian ne’ebé estabele ona. Sesaun abertura prosesu ensinu apredizajen ne’e husi sr. inspetór eskolar postu Laclubar Gonzalo Soares.

Iha tinan 2024 eskola loke rejistrasaun ba estudante foun sira hamutuk neennulu resin-tolu (63) husi estudante hirak ne’e fahe ba programa rua (2) mak hanesan Ciência e Tecnologia hamutuk tolunulu resin-tolu (33) kompostu husi feto ruanulu resin-tolu (23) no mane sanulu (10), Ciência Sociais e Humanidade estudante hamutuk tolunulu (30) kompostu husi feto sanulu resin-haat (14) no mane sanulu resin-neen (16). Nune’e total estudante iha tinan 2024 husi 10° ano to’o 11° ano hamutuk atus-ida sanulu resin-hitu  (117). Iha momentu ne’e mós eskola bolu tan profesór na’in tolu (3) hodi hanorin ho voluntáriu no Profesór sira ne’e mak hanesan: Mariano Soares Profirio Baptista no José Maria.

Iha tinan 2025 eskola loke rejistrasaun ba estudante foun sira hamutuk limanulu resin-lima (55) husi estudante hirak ne’e fahe ba programa ida (1) de’it mak Ciência e Tecnologia no fahe ba turma rua (2): turma A estudante hamutuk ruanulu resin-sia (29) kompostu husi feto sanulu resin-lima (15) no mane sanulu resin-haat (14), turma B estudante hamutuk ruanulu resin-neen (26) kompostu husi feto sanulu resin-haat (14) no mane sanulu resin-rua (12). Nune’e total estudante iha tinan 2025 husi 10° to’o 12° ano hamutuk atus-ida sanulu resin-hitu  (171). Iha momentu ne’e mós eskola bolu tan profesór na’in hitu (6) hodi hanorin ho voluntáriu. Profesór sira ne’e mak hanesan: Joanico B. Gonçalves, Nuno dos Reis, José Valente, Aliança Gonzaga, Antónia Soares, Santa da Costa no João Pereira Pinto.

Estrutura eskola nian iha tinan 2023 to’o 2024 mak hanesan tuirmai ne’e:

1.      Koordenadór eskola                            : Profesór António manuel

2.      Sekretáriu no Tezoureiru                     : Profesór Francisco de Almeida

3.      Asuntu estudantil                                : Profesór Sergio de Jesus

4.      Seksaun Kurríkulu                              : Profesór Abilio Bonifacio Pedro

5.      Seksaun lojístik                                   : Profesór José Maria

Estrutura eskola nian iha tinan 2024 to’o 2025 mak hanesan tuirmai ne’e:

1.      Koordenadór eskola                            : Profesór Francisco de Almeida

2.      Sekretáriu                                            : Profesór Joanico Bento Gonçalves

3.      Tezoureiru no Asuntu estudantil        : Profesór Mariano Soares

4.      Seksaun Kurríkulu                              : Profesór Abilio Bonifacio Pedro

5.      Seksaun Lojístik                                  : Profesór Nuno dos Reis

Iha tinan 2024, Sr. Raimundo Soares nuudar Xefe Departamento Aprovizonamento halo aproximasaun ho Sr. Domingos UNDP nian, hodi husu tulun ba UNDP atu halo instalasaun komputadór iha eskola Kay Rala Paralelo Laclubar. Nune’e aproximasaun ida-ne’e sai duni realidade, ne’e mak ohin loron eskola hetan ona sala Laboratoriu IT nian ida ho komputadór hamutuk 30, AC hamutuk 3, Solar Panel hamutuk 39, projetor hamutuk 2, printer 1, internet lokal 1 ho nia user ema na’in 32, layar projetor 1, Armariu 1, bateria litium hamutuk 5, kadeira hamutuk 31 no meza hamutuk 31.

Iha loron 18 to’o 23 fulan Agosto tinan 2025 profesór José Valente ba tuir formasaun ida konaba tecnika solar Panel iha Manatuto fó husi ekipa UNDP nian, iha loron 25 to’o 28 fulan Agosto tinan 2025 profesór Francisco de Almeida ba tuir formasaun konaba Jestaun ICT-LAB nian iha Dili, Iha loron 15 to’o loron 26 fulan Setembro Profesór Francisco de Almeida ho profesór Joanico Bento Gonçalves ba tuir formasaun ida konaba ICT tools, digital Resources and mantenence off ICT-LAB no iha loron 22 to’o 26 fulan Setembro profesór Mariano Soares no Abilio Bonifacio Pedro ba tuir mós formasaun ida konaba Non-ICT iha Manatuto.

Iha loron 27 fulan Novembro tinan 2025 Diretor ICT-LAB eskola nian Sr. António Soares hamutuk ho profesór Francisco de Almeida, Profesór José Valente, Profesór Mateus do Santos de Oliveira, Profesór Pedro Damião Cardoso Soares, estudante na’in 3 mak: Sonia L. D. Soares, Zelia Soares,   ba partisipa iha seremonia Inaugurasaun ICT-LAB nian iha Manatuto husi Ministra Educação Sra. Dulce de Jesus Soares no entrega diretamente plaka no dukumentu ICT-LAB nian ba eskola, ne’ebé simu husi Sr. koordenador eskola profesór António Soares.

Estrutura ICT-LAB nian:

1.      Diretór Escola                          : Profesór António Soares

2.      Coordenador ICT-LAB           : Profesór Joanico Bento Gonçalves

3.      Tékniku IT                               : Profesór Joanico Bento Gonçalves no Nuno dos Reis

4.      Tékniku lokal Solar Panel        : Profesór José Valente

5.      Profesór ICT                            : Profesór Francisco de Almeida no João P. Pinto

6.      Profesór Non-ICT                    : Profesór Mariano Soares no Abilio B. Pedro

7.      Seguransa ICT                         : Profesór João Pereira Pinto

8.      Konsellu Eskola                       : Miguel Soares no Profesór Cancio de Oliveira